Tvenna á Skjaldborg

Það er okkur heiður að hafa komið að eftirvinnslunni á tveim heimildamyndum sem sýndar verða á heimildamyndahátíðinni Skjaldborg á Patreksfirði núna um Hvítasunnuhelgina en það eru myndirnar Innan seilingar og Bráðum verður bylting!

 

Við sáum um litvinnslu (grade) á myndinni Innan seilingar sem er framleitt af  Ljósopi ehf. sem Guðbergur Davíðsson stýrir í samvinnu við Markell Productions  sem er stýrt af Erni  Marinós Arnarsyni og Þorkeli Harðarsyni.

Innan seilingar segir frá  Guðmundi Felix Grétarssyni sem árið 1998 missti  báða handleggi við öxl í hræðilegu vinnuslysi. Síðan þá hefur hann leynt og ljóst stefnt að því að fara í aðgerð til að fá nýja handleggi. Guðmundur verður sennilega fyrsti maðurinn sem fær ágræddar handleggi við öxl. Hann fluttist til Frakklands til að fara í aðgerð fyrir fimm árum – en ekki hefur allt gengið að óskum hingað til. Guðmundur bíður enn eftir aðgerðinni og horfir fram á veginn.on báða handleggi við öxl í hræðilegu vinnuslysi. Síðan þá hefur hann leynt og ljóst stefnt að því að fara í aðgerð til að fá nýja handleggi. Guðmundur verður sennilega fyrsti maðurinn sem fær ágræddar handleggi við öxl. Hann fluttist til Frakklands til að fara í aðgerð fyrir fimm árum – en ekki hefur allt gengið að óskum hingað til. Guðmundur bíður enn eftir aðgerðinni og horfir fram á veginn.

Hérna er hægt að sjá kynningarstiklu myndarinnar.

 

Á myndinni Bráðum verður bylting! sem Seylan ehf. framleiðir sáum við um litvinnslu (grade) og samsetningu (on-line) en það eru þeir Hjálmtýr Heiðdal og Sigurður Skúlason sem stóðu þar í brúnni.

Bráðum verður bylting! segir sögu ’68 kynslóðarinnar sem lét til sín taka í löndum Vesturlanda sjöunda áratugar s.l. aldar.
Einstaklingar sem voru þátttakendur í því umróti sem einkenndi þennan tíma útskýra hvaða hvatar lágu að baki þegar þúsundir æskufólks hófu að berjast fyrir eigin gildum í trássi við ríkjandi viðhorf fyrri kynslóða. Sendiráðstakan í Stokkhólmi þ. 20. apríl 1970 var einn af hápunktum í þessari sögu.

Hérna er hægt að sjá kynningarstiklu myndarinnar.

 

 

Fjársjóður framtíðar – þriðja þáttaröðin á RÚV í kvöld

Við erum virkilega stolt hjá KAM film að hafa tekið þátt í þessu verkefni sem við framleiddum með Háskóla Íslands fyrir RÚV. Um er að ræða 5 þætti þar sem við kynnumst því sem fjöldi vísindamanna við Háskóla Íslands eru að rannsaka. Það kemur virkilega á óvart fyrir okkur sem stöndum fyrir utan háskólasamfélagið þegar við uppgötvum hversu fjölbreytt, áhugavert og faglegt starf íslenskra fræðimanna er. Við þvældumst um allt land og ræddum við um 80 vísindamenn með það fyrir augum að heyra frá þeim á mannamáli um hvað rannsóknirnar snerust. Þar komum við ekki að tómum kofanum.

Fjársjóður framtíðar er hugarfóstur Jóns Arnars Guðbjartssonar en hann og kollegi hans, Björn Gíslason, hafa haldið vel á spöðunum og nú birtist 3. þáttaröðin á RÚV í kvöld. Konráð Gylfason hefur unnið þetta með þeim frá fyrstu þáttunum en þessi þriðja þáttaröð er í fyrsta skipti sem KAM film kemur að framleiðslunni. Hinar tvær þáttaraðirnar voru framleiddar af miklum myndarskap af Kukl ehf. og setti myndataka Bjarna Felix Bjarnasonar, kvikmyndatökumanns, staðalinn sem halda varð uppi í framhaldinu.

Konráð Gylfason var í lykilhlutverki við gerð þáttanna en þeir væru bara svipur hjá sjón ef ekki hefði notið ótrúlegra neðansjávarmynda frá Erlendi Bogasyni, ótrúlegra „drone“ mynda frá OZZO photo, einstakra hikmynda (timelaps) frá Þorvarði Árnasyni að ógleymdum Stefáni Drengssyni sem kryddaði þættina með sínu góða auga fyrir lífinu í Háskólanum. Þá má ekki gleyma frábæru myndefni sem til var í sarpinum frá Kukl ehf og Bjarna Fel en vísindamennirnir sjálfir eiga líka stóran hlut í þáttunum með myndefni sem þeir hafa tekið upp meðan á rannsóknum stóð.

Vönduð hljóðvinnsla meistarans hjá hljóð.is, Birgis Tryggvasonar setur síðan punktinn yfir i-ið og það er einlæg von okkar að þættirnir nái að furða, fræða og skemmta landanum í sjónvarpi okkar allra.

Fyrir tækniáhugafólk þá er rétt að geta þess að þættirnir voru teknir upp í UHD (4K-TV) með myndavél frá Black Magic Design og allar hikmyndir og flest öll „drone“ skotin voru líka tekin upp í UHD (4K-TV). Þættirnir voru klipptir í Premiere Pro CC og fóru hringinn (round-trip) í Davinci Resolve í litvinnslu (grade) áður en samsetning á master fór fram í Premiere Pro. Hljóðblöndun átti sér stað í Pro-Tools hjá hljóð.is.

Hérna gefur að sjá lengri útgáfu af stiklu fyrir þættina.

Hér er að finna stiklu fyrir fyrsta þáttinn sem sýndur er í kvöld.

Varnarliðið sýnt í sjónvarpi allra landsmanna

„Varnarliðið“ Kaldastríðsútvörður er komið í sýningar hjá RÚV-sjónvarp og var fyrsti hlutinn af fjórum sýndur síðastliðinn sunnudag.

Annar hluti, sem tekur fyrir árin 1960 til 1980, verður sýndur núna á sunnudaginn 14. janúar kl. 21:35 strax á eftir örugglega æsispennandi leik Íslands og Króatíu í handbolta.

Ef þú misstir af fyrsta hlutanum, þar sem fjallað er um aðdragandann og komu „Varnarliðsins“ og söguna allt fram til ársins 1960, þá er ennþá möguleiki á því að sjá hann til 6. febrúar á Sarpinum en þú kemst þangað með því að smella HÉR.

„Varnarliðið“ Kaldastríðsútvörður

Ný heimildamynd frumsýnd

Það er gaman að segja frá því að heimildamyndin „Varnarliðið“ Kaldastríðsútvörður verður sýnd í Bíó Paradís frá 16. nóvember 2017. Heimildamyndin segir frá sögu Bandaríska hersins á Íslandi frá 1951 til 2001 þegar hann fór frá landinu. Vera hans hafði gríðarleg áhrif á íslenska pólitík, menningu og efnahag.

Phantom F-4 fylgir eftir Tupolev Tu-95 „Björnin“

Það eru KAM film og Ljósop ehf.  sem framleiða myndina saman og hefur hún verið í vinnslu í nokkur ár. Leikstjórar eru Guðbergur Davíðsson og Konráð Gylfason sem skrifuðu handritið ásamt Friðþóri Eydal en verkið er byggt á rannsóknarvinnu Friðþórs.

 

 

Fylgst var með allri flugumferð við landið.

Í 55 ár var Bandarískur her staðsettur á Íslandi á vegum NATO með bækistöð við flugvöllinn í Keflavík og er þessari merkilegu sögu gerð skil  í myndinni. Rætt er við hermenn sem voru staðsettir hér ásamt íslendingum sem unnu á „Vellinum“ eins og hann var kallaður. Þá er leitað til sérfræðinga sem útlista og taka pólinn á ýmsum málum sem tengjast sögu hersins á Íslandi.

Upplýsingar um sýningartíma er hægt að finna á heimasíðu Bíó Paradís.

Trailer fyrir myndina er hægt að skoða hérna.

The Documentary Sagnadans (Narrative dance) is available on Vimeo on Demand

Sagnadans/Narrative dance – a documentary film by Konrad Gylfason.

At one point in Iceland´s history, music and dancing was prohibited which resulted in the music being lost but the lyrics remained where as in the rest of Scandinavia the music lived on and the lyrics were lost.

Singer/songwriter Anna Pálína Árnadóttir, songwriter/poet Aðalsteinn Ásberg Sigurðsson and the Swedish folk music trio Draupner join forces in bringing those ancient Icelandic lyrics to life in Sagnadans (narrative dance).

Sagnadans was performed in 2002 and was Anna Pálína Árnadóttir’s last project but she passed away only two months after filming was completed.

Icelandi & Swedish dialogue with English subtitles for spoken words and lyrics.

Heimildamyndin Sagnadans aðgengileg á netinu

Sagnadans – Heimildamynd eftir Konráð Gylfason.

Það er stórt skallatímabil í íslenskri tónlistarsögu þar sem tónlist og dans var hreinlega bannað hér á landi, en textarnir varðveittust. Aftur á móti hefur lítið varðveist af textum í Skandinavíu en tónlistarhefðin er rík þar.

Söngvarinn Anna Pálína Árnadóttir, lagasmiðurinn og skáldið Aðalsteinn Ásberg Sigurðsson sameinuðu krafta sína með sænska þjóðlagatríóinu Draupner í verkefni þar sem leitast varð við að sameina þessa tvo hluti og úr varð dagskráin sem flutt var á tónleikunum á Menningarnótt árið 2002.

Sagnadans var síðasta verkefni vísnasöngkonunnar Önnu Pálínu Árnadóttur en hún lést 30. október 2004 aðeins tveimur mánuðum eftir að tökunum lauk.

 

Konrad Gylfason’s Showreel

Það hefur verið gaman að tína saman myndir frá verkefnum sem ég hef unnið að á síðustu árum. Einstakt samstarfsfólk og  frábærir staði standa uppúr.

It´s been fun putting together a few images from past projects I’ve worked on. Memories of great locations and exceptional people linger on.